الجزء الثاني (( الحرب العالمية الثالثة ))

الجزء الثاني (( الحرب العالمية الثالثة ))

--------------------------------------------------------------------------------


بسم الله الرحمن الرحيم
وبه نستعين والصلاة والسلام علي أشرف المرسلين سيدنا محمد سيد الخلق أجمعين
مع الجزء الثاني للقصة

(( الي ما بيرحمش ))
كنا وصلنا في الجزء الأول من القصة لبداية مشوار العلاج أو الحل في المشاكل الي بتحصل معانا الي مش شايفين ليها سبب وأبتدي أخي الأكبر مني يدور علي شيخ من المعالجين لحد لما وقع تحت أيد (( الي ما بيرحمش ))
أتعرف أخي عن طريق أحد الأصدقاء علي رجل يدعي أنه شيخ الشيوخ أو نأدر نقول ولي من أولياء الله أو تقدر عزيزي القاريء أن توضع الأسم الذي تريدة فعرض أخي علي هذا الرجل قصتنا فقاله أنا لازم أجي عندكم البيت
علي شان أكشف وبالفعل جه عندنا البيت وكشف علي حد قوله وقال أنتو معملكم أعمال في البيت ومدفون في ترب ومرشوش ليكم علي العتبة والحجات ده الي أتعملت هيجت عليكم عمار المكان قلنا طيب أيه الحل قال ما تقلقوش
أنا لها (( شوف الثقة )) أبتدي يجي علي عدة مرات ويقراء قرأن علينا في البيت و يحصل تنميل لأمي بالزات أثناء القراءة وكانت بتتحسن شوية وبعدما يمشي بأسبوع علي رأي المثل ترجع ريما لأعدتها الأديمه وبالطبع نجري علي التليفون ألحقنا يا عم الشيخ يقول طب أنا هاجيلكم يوم كذا ونستناه وبالفعل كان أخي يذهب ويحضره ونفس القصة يقعد يقراء القرأن وبعد ما يمشي بأسبوع تحصل نفس القصة وهلم جرة علي العزومات والطلبات الي كان بيطلبها من تحت لتحت لدرجة أنه طلب من أخويا يركبلوا جهاز دش وطبعا أخويا أستجاب غير الزيارات الي كانت بترحلوا غير أقربائه الي كان بيقصد أخويا يروح يصلحلهم الدش بتاعهم وبعد فتره أتكرر فيها السيناريو ده كتير قلنا شكل الموضوع كدة مش نافع وأبتينا نشوف حد تاني لحد أما بالصدفة أتعرفنا علي أحد المعالجين الروحانيين

(( المفاجأه ))

أتعرف أخي بالصدفه في الطريق علي أحد المعالجين الروحانيين وقاله عندنا مشكلة في البيت ويا ريت تشرفنا وفعلا أتفق معاه علي ميعاد وذهب أخي لأحضاره ولما جه (( سبحان الله )) كان مجرد ما يعرف أسمك وأسم أمك يجيبلك تاريخ حياتك بالتفصيل وبالطبع كشف علينا واحد واحد وقال لكل واحد الي فيه النصيب ولاكن لحظة (( المفاجأه )) تخيلوا معايا أنه عندما كشف علي أبي صدمنا عندما علمنا أن أبي مربوط منذ ( 12 عام ) عن طريق أحد أقاربنا وبالفعل كانت مفاجأة ولم نعلم بها حتي جائنا هذا الرجل وكان أبي مربوط فعلا كما فال المعالج ولاكن لم يتكلم مع أحد في هذا الموضوع هو أو امي لحساسية الموضوع ولاكن بالطبع لم يعلموا بأنه مس من الجن أو عمل من الاعمال وقال لنا عن حقيقة الشيخ (( الي ما بيرحمش )) الي جبناه قبليه أنه نصاب وما يعرفش حاجة ودجال ولاكنه قال بالنسبة لموضوع البيت انه من عمار المكان وأبتدي في مشوار العلاج الي ماجبش برده نتيجه ألا أنه عالج أبي من المرض الغضروف الي كان عندة عن طريق قراءة بعض أيات القرأن وكتابة طلسم علي مكان العمود الفقري وتم العلاج بالفعل وأبتدي يكتبلنا ورق بالزعفران نستحمي بيه لتكملة العلاج ولاكن دون جدوي أو نتيجه ولاكن لظروف عمله أضطر هذا المعالج للسفر للزواج ولم يأتي من ساعتها وكان في هذه الفتره بيتصل بينا الشيخ الي قابله (( الي ما بيرحمش )) بس كنا بنتجاهله لاكن حاسين أن أتصالاته غير طبيعية وملح وعايز يجي البيت بأي طريقة ولاكننا ما جبناهوش تاني لحد ما طلب أخي علي تليفونه المحمول وقاله تعالي صلحلي الدش وأخويا زي ما تقول كده أنكسف منه وراحله (( ويا ريته ما رحله ))

(( السيناريو ))

عندما ذ هب أخي أليه أستقبله بترحيب هائل بل عزمه علي العشاء و أثناء كلامه معاه خبط أخويا علي ظهره مرتين كأنه بيطبطب عليه بس حصل الي حصل بعدها أخي بقي بيشوف بعين وحده جاءت علي أحدي عيونه غمامه خلته بيشوف بيها طشاش وكنا لا نعلم أنه سببها وكلم أخويا أثناء الزيارة أنه عايز يشرفنا في البيت لاكن أخويا تجاهله وبعدها بقي يتصل بينا علي التليفون علي أثاث أنه بيطمن ولما نقفل معاه سماعة التليفون البيت يتقلب نبتدي نسمع صفافير و يحصلنا رعشة في الجسم مع أنتفاخ أسفل العين ودوخة وصداع غير الكوابيس العجيبة وكركبة في البطن وكان بيجلنا في منامنا هو شخصيا يقولنا انا مش هاسبكم لحد ما أموت وبيجي لكل الي نايمين يكلمهم كل لما يتصل يطمن علينا تحصل نفس الأعراض علي كل الي قاعدين في البيت في الاول ما كناش متوقعين انه هو الي بيعملنا الحجات ده بس لما أتكر (( السيناريو )) مرات ومرات عرفنا انه هو الي بيعمل كدة طب بيأزينا ليه مش عارفين هل علي شان بعدنا عنه مش عارفين والبيت زادت ألامه ومشاكله مع مكالمات هذا الرجل لحد لما أخويا فاض بيه ورد عليه في مرة وقاله أنت عايز مننا أيه أنت بتعمل معانا كده ليه راح قافل السكة بس بقي يتصل وأول ما حد يرد يقفل السماعة وتحصل نفس الأعراض الي حكتلكم عنها وهلم جره

(( الشيخ علي بتاع قناة كنوز ))

وطبعا أبتدينا نشوف حل لهذا الرجل هو الأخر ورحنا لشيوخ كتير وما وصلوش لأي نتيجة معاه بس توصلنا لأحد المعالجين ثاني مرة وقعد يتعامل معاه ويحاربه بمعني أصح بس ما قدرش عليه لأنه كان كل يوم بيبعتلنا في الشياطين بتاعته ومش سايبنا في حالنا لحد ما فيوم من الأيام شوفنا علي الدش القناه الي بيجي فيها المعالجون طبعا كلنا عارفنها قناة كنوز وعجبنا من ضمن الشيوخ (( الشيخ علي )) الي كان بيعالج جميع الأمراض المستعصية وجاءت المحاولات تلو الأخري في الأتصال بيه عن طريق البرنامج جربنا شهور لحد ما ربنا وفقنا ولقطت معانا المكالمه وكلموا أخويا وأداله أسمه وأسم أمي طبعا عرف القصة من طقطق لسلامه عليكم ومن ضمن الحجات الي قالهالنا أن الراجل ده جه عندنا البيت ودخل الحمام وعمل أحد أعماله القزرة بالنجاسة وأنه عاملنا بوقف الحال والرزق وبالمرض والخيالات وتشكيلة من الأعمال وأنه بيستعين بأحد الأشخاص معاه من السفليين بس قالنا ما تقلقوش وفي نفس الوقت قرأ أحدي أيات القرأن وكل الي في البيت حس بالقراءة بتاعته لأن جسمنا أبتدي يوجعنا وبالفعل شوفنا أخواني شهر واحد فقط من أحسن الشهور الي عدت علينا خفينا بفضل الله من كل الأعراض والمشاكل الي قاعد أحكلكم فيها بس طبعا ما سبناش في حالنا وعملنا الظاهر أعمال تانية ورجعت نفس المشاكل ونفس القصة من أول وجديد والأحداث مستمرة حتي كتابتي لهذا الموضوع أخواني

وبصراحة ما بأناش عارفين أيه الحل يا جماعة هنعالج مين ولا مين في البيت ده ما بأناش عارفين
في يا جماعة مثل بيقول (( نطلع من نقرة نقع في ضحضيرة )) (( أحنا بقي نخش في نقرة ومنها نخش في ضحضيرة ))
بس واثقين في الله وفي كرمه ورحمته وأنه هايجزينا علي صبرنا ورحلة العناء وأن أحنا أحسن من ناس كتير ومعلش يا جماعة صدعتكم معايا بس أنا كتبت الموضوع لحاجة في نقسي

والسلام عليكم ورحمة الله وبركاته